A firma galega creada fai 8 anos proxecta o seu asalto á UE

Esta empresa creada fai 8 anos a partir das inquietudes dun grupo de investigadores e investigadoras da USC, xa está plenamente asentada na élite da química orgánica española.

A actual xerenta, Carme Pampín, destaca tanto o alto aumento do seu equipo en tan curta traxectoria como o esforzo en investigar, desenvolver e innovar de forma permanente para continuar nos postos de vangarda. Agardan ademais que a medio prazo se trasladen ao futuro parque empresarial de Touro, dende o cal prepararán o asalto ao mercado europeo.

GalChimia participa activamente dende o primeiro día nalgúns dos programas punteiros lanzados polas grandes compañías farmacéticas e tecnolóxicas españolas coas que traballan estreitamente na preparación dos novos compostos. A partir daquí os seus obxetivos básicos son: dispor do máximo número de compostos diferentes no menor tempo posible, desenvolver as plataformas tecnolóxicas e aplicar as boas prácticas que conducen a longo prazo ao descubrimento de medicamentos innovadores.

« Voltar