A Asociación BIOGA -Clúster Tecnolóxico Empresarial do Sector das Ciencias da Vida- , coa colaboración do BIC Galicia, organiza a Primeira Xornada de Dinamización en Biotecnoloxía que terá lugar os días 28 e 29 de xaneiro na sede de FEUGA en Santiago de Compostela.
As xornadas estrutúranse en tres bloques de actividade principais. Durante o día 28 abordarase a experiencia na constitución e desenvolvemento de bioclusters en España e Portugal, contando coa participación de representantes de Asebio, Madrid Biocluster, BioRegió de Caltalunya, Bioval, BioBasque e a Asociación Portuguesa de Empresas BIO(APBIO). A segunda actividade, o día 29, consistirá nunha serie de charlas formativas relativas á planificación estratéxica e desenvolvemento de negocio e estratexias de marketing e análise mercado, e finalizarán pola tarde coa celebración dunha mesa redonda na que se abordará a importancia e encaixe da institución na cadea de valor do desenvolvemento biotecnolóxico, con representantes da universidade, a empresa, as administracións públicas e as entidades de financiamento.
Poden consultar o programa na web de BIOGA: www.bioga.org ou pinchando aquí